വികസിത് ഭാരത്; യുവജനങ്ങൾക്ക് അവസരം

വികസിത് ഭാരത് യൂത്ത് പാർലമെന്റ്: യുവജനങ്ങൾക്ക് സ്വപ്നങ്ങളൊരുക്കുന്ന വേദി

കേന്ദ്ര യുവജനകാര്യ കായിക മന്ത്രാലയം സംഘടിപ്പിക്കുന്ന വികസിത് ഭാരത് യൂത്ത് പാർലമെന്റ് മത്സരങ്ങളുടെ രജിസ്‌ട്രേഷൻ ആരംഭിച്ചു. 18-25 പ്രായപരിധിയിലുള്ള യുവതീയുവാക്കൾക്ക് പങ്കെടുക്കാം. “വികസിത ഭാരതം എന്നതുകൊണ്ട് എന്താണ് അർത്ഥമാക്കുന്നത്?” എന്ന വിഷയത്തിൽ ഒരു മിനിറ്റ് ദൈർഘ്യമുള്ള പ്രസംഗ വീഡിയോ മൈ ഭാരത് പോർട്ടലിൽ അപ്ലോഡ് ചെയ്താണ് രജിസ്റ്റർ ചെയ്യേണ്ടത്. മാർച്ച് 9 വരെ വീഡിയോ അപ്ലോഡ് ചെയ്യാനുള്ള സമയം ലഭ്യമാണ്.

മത്സര ഘട്ടങ്ങൾ

ജില്ലാതല മത്സരം – മാർച്ച് 17നകം
സംസ്ഥാനതല മത്സരം – മാർച്ച് 20നകം
ദേശീയതല മത്സരം – വിജയികൾക്ക് പാർലമെന്റ് മന്ദിരത്തിൽ പങ്കെടുക്കാനുള്ള അവസരം

കേരളത്തിൽ നാല് പ്രധാന കേന്ദ്രങ്ങളിൽ ജില്ലാതല മത്സരങ്ങൾ സംഘടിപ്പിക്കും. സംസ്ഥാനതല മത്സരത്തിൽ വിജയിക്കുന്ന മൂന്ന് മികച്ച വ്യക്തികൾ പാർലമെന്റ് മന്ദിരത്തിൽ നടക്കുന്ന ദേശീയതല മത്സരത്തിൽ പങ്കെടുക്കും.